Gott nesti – lykillinn að góðu ferðalagi

Á löngum ferðalögum er auðvelt að detta í þann pakka að borða bara pulsur og sveitta bensínstöðvarborgara. Það er þó alger óþarfi að henda heilbrigðum matarvenjum út um gluggann þó farið sé að heiman í nokkra daga. Með smá fyrirhöfn og góðu skipulagi er nefnilega hægt að útbúa viðbit sem er ekki bara bragðgott heldur líka gott fyrir mann! Hér koma nokkrar hugmyndir í nestisboxið…

„Yfir nótt“ hafrar með suðrænum blæ

DSCF6727.jpg

Uppskrift:

1/3 bolli grísk jógúrt

1/2 bolli hafrar

2/3 bolli kókosmjólk (úr dós)

1 msk chia fræ

1/2 tsk vanilludropar

Klípa af salti

1-2 msk hunang eða hlynssýróp (má sleppa)

1/3 bolli smátt skorinn ananas

1/3 bolli smátt skorið mangó

1/2 banani, smátt skorinn eða stappaður

2 msk kókosflögur

Aðferð:

1. Hrærið öllum hráefnum saman í miðlungsstórri skál. Skiptið svo blöndunni niður í krukkur.

2. Lokið krukkunum og geymið í ísskáp í minnst 4 klukkutíma en helst yfir nótt.

Banana og hnetusmjörshjól
með kanil og múslí

DSCF6779

Uppskrift:

1/2 bolli hnetusmjör

1/3 bolli vanillujógúrt

1 msk appelsínusafi

2 bananar í sneiðum

4 (20cm) tortillakökur

2 msk granóla

1/4 tsk kanill

Aðferð:

1. Hrærið vel saman hnetusmjöri, jógúrti og kanil.

2. Skerið banana í þunnar sneiðar og veltið upp úr appelsínusafanum.

3. Smyrjið u.þ.b. 3 msk af hnetusmjörsblöndunni á hverja tortillaköku, raðið sirka 1/3 bolla af bönununum þvert yfir hnetusmjörsblönduna og dreifið múslíinu jafnt bananana.

4. Rúllið hverri og einni tortillaköku upp og skerið í sex bita.

Hummus fylltar pítur m. tómat og Basil

DSCF6743.jpg

Uppskrift:

Pítubrauð

Hummus

Ferskur Basil

Tómatar

Aðferð:

1. Skerið tómatana í sneiðar

2.Smyrjið pítubrauðin með hummusnum og fyllið þau svo með tómatsneiðum og Basil.

 

 

skrifar| 2019-03-06T13:52:53+00:00 6. mars, 2019|Heilsa|
X