Fjöll hugans á Netflix

Við fjölluðum um bókina Mountains of the mind eftir Skotann Robert Macfarlane í síðasta sumarblaði Úti. Þetta er stórkostleg bók sem fjallar um sögu fjallamennsku og hvernig hrifning nútímamannsins á afgerandi landslagi er tiltölulega nýtilkomin. Nú er komin út á Netflix myndin Mountain sem óhætt er að mæla með. Hún byggir að hluta á texta Macfarlane sem lagði í mikla rannsóknarvinnu til að reyna að varpa ljósi á það hvers vegna sumt fólk fórnar lífi sínu til að standa á einhverjum tindi; á einhverjum tilteknum stað í landslagi sem hefur einungis þýðingu í ímyndunarafli einstaklinga. Þetta er heillandi mynd sem byggir á frábærum sögumanni, Willem Dafoe, og myndefni frá fallegustu fjöllum heimsins, þar með talið Íslandi. Þetta er samt ekki eiginleg heimildamynd heldur meira eins og heimspekilegt ferðalag. Okkur fannst hún frábær.

skrifar| 2018-09-27T15:16:55+00:00 27. september, 2018|Fjallamennska, Mannlíf, Tíðindi|
X