Skotheld útivistarmynd

Adrift, nýjasta mynd Baltasars Kormáks, er skotheld útivistarmynd sem rígheldur allan tímann og fangar tvískipt eðli náttúrunnar fullkomnlega. Eina stundina er hún undursamlegt leiksvæði en hina stórhættulegur óvinur. Rétt eins og í Everest og Djúpinu, tekst Baltasar að gera skeytingarlaus náttúruöflin að sjálfstæðum karakter í myndinni. Ógnþrunginn nærvera hafsins er á köflum yfirþyrmandi. Þetta er hrakningarsaga eins og þær gerast bestar og við mælum tvímælalaust með henni fyrir allt útivistarfólk. Fullkomin leikstjórn, hnökralaus leikur og frábærar tökur setja áhorfandann inn í miðju hrikalegrar atburðarrásar. Okkur langaði samt eiginlega strax að fara út að sigla eftir að myndinni lauk. Svona erum við skrítin hér á Úti.

skrifar| 2018-07-11T10:36:48+00:00 9. júní, 2018|Mannlíf, Sögulegur fróðleikur|
X